Islamic Nasheed Lyrics

Lahad Me Ishq e Rukh e Shah Ka

Lahad Me Ishq e Rukh e Shah Ka Daagh Le Ke Chale
Andheri Raat Suni Thee Charaagh Le Ke Chale

Tere Ghulaamoñ Ka Naqsh e Qadam Hai Raah e Khuda
Wo Kya Bahak Sakay Jo Ye Suraagh Le Ke Chale

Jinaañ Banegi Muhib’baan e Chaar Yaar Ki Qabr
Jo Apne Seene Me Ye Chaar Baagh Le Ke Chale

Gaye, Ziyaarat e Dar Ki, Sad Aah Waapas Aaye
Nazar Ke Ashk Pich’che Dil Ka Daagh Le Ke Chale

Madina Jaan e Jinaan o Jahaañ Hai Wo Sun Leñ
Jinheñ Junoon e Jinaañ Soo e Zaagh Le Ke Chale

Tere Sahaab e Sukhan Se Na Nam Ke Nam Se Bhi Kam
Baleegh Bahr e Balaaghat Balaagh Le Ke Chale

Huzoor e Taiba Se Bhi Ko-ee Kaam Bar’h Kar Hai
Ke Jhoote Heele Makr o Faraagh Le Ke Chale

Tumhaare Wasf e Jamaal o Kamaal Me Jibreel
Muhaal Hai Ke Majaal o Masaagh Le Ke Chale